ইংৰাজী ১/১২/২০২২ তাৰিখে মহাবিদ্যালয়ত অসমীয়া ডি. টি. পিৰ তিনিমহীয়া বিনামূলীয়া প্ৰশিক্ষণৰ শুভাৰম্ভ হয়৷ মহাবিদ্যালয়ৰ অধ্যক্ষ , উপাধ্যক্ষ, অধ্যাপকমণ্ডলী, ছাত্ৰ-ছাত্ৰী তথা নিমন্ত্ৰিত অতিথি কবি, সমাজসেৱক আৰু পৰ্যটন গাইড অলক দাসৰ উপস্থিতিত বিশিষ্ট লেখক আৰু অৱসৰপ্ৰাপ্ত প্ৰধান শিক্ষক ৰতন পালে প্ৰশিক্ষণৰ শুভাৰম্ভ কৰে৷ অধ্যক্ষ ড° দেৱজিৎ বৰুৱাই অসমীয়া ডি.টি. পিৰ ব্যৱসায়িক জীৱনত প্ৰয়োজনীয়তা সম্পৰ্কে ছাত্ৰ-ছাত্ৰীৰ উদ্দেশ্যে বক্তব্য দাঙি ধৰে আৰু ড° শেখৰ জ্যোতি বৈশ্যৰ তৎপৰতা আৰু অসমীয়া ডি. টি. পিৰ বিনামূলীয়া প্ৰশিক্ষকৰ বাবে আগ্ৰহ প্ৰকাশ কৰাৰ বাবে ড° বিতোপন দাৱক ধন্যবাদ জনায়৷ বিশিষ্ট অতিথি ৰতন পালে অসমীয়া লিপিৰ প্ৰসংগৰে ডি.টি.পিৰ গুৰুত্বৰ বিষয়ে এক দীঘলীয়া বক্তব্য প্ৰদান কৰে৷ সভাখনৰ আঁত ধৰে সহকাৰী অধ্যাপক ড° বিতোপন দাৱে৷
